شركات تجني الملايير عن طريق النصب على الشباب الباحثين عن عمل في مراكز الاتصال والاستقبال والفندقة والسياحة بهذه المدن

نتوصل يوميا في موقع وظيفة برلمان وعلى صفحاتنا على موقع التواصل الاجتماعي (فيسبوك) باعلانات يحاول أصحابها الترويج لها من خلال موقعنا نظرا للشعبية الكبيرة التي يحتلها في صفوف الشباب المغاربة من مختلف ربوع المملكة، كما تعمد بعض هذه الشركات إلى استغلال اسم صفحاتنا على مواقع التواصل الاجتماعي لتضفي على نفسها طابع المصداقية.

فرص عمل للشباب ابتداء من النيفو باك فما فوق…

لا شك ان الكثيرين صادفو مثل هذه العناوين المغرية والتي غالبا ما تكون مجرد فخ، كما يحكي لنا العديد من المتتبعين الذين تنتهي تجربتهم بسلبهم مبالغ مالية بين 200 الى 500 درهم بطريقة احترافية، حسب اجتهاد النصاب واسلوبه.

هاد الشركات كاتقوم بنشر اعلانات للتوظيف في مواقع التواصل الاجتماعي والمواقع الالكترونية ديال البيع والشراء … وفي بعض الاحيان تجد هذه الاعلانات معلقة في الشوارع على أعمدة الكهرباء ومداخل العمارات وغيرها.

بعدما يتصل الضحية (الباحثين عن العمل) بالرقم او الايمايل الموجود في الاعلان تتواصل معه غالبا سيدة جميلة الصوت والاسلوب وكاتقنعو يجي للمقر ديالهم اللي كاين في جميع المدن الكبرى بحال الرباط، الدار البيضاء، طنجة، مراكش، فاس، مكناس، اكادير وغيرها … من اجل (مقابلة العمل).

القانون لا يحمي المغفلين…

كيفاش؟ فاش كاتعطي الفلوس سواء كانت 20 درهم أو 600 درهم كاتلقى راسك ساني على عقد ديال التدريب سواء كانت فيه ساعة أو اسبوع أو شهر، لذلك النصب كايكون شبه قانوني أو قانوني يعني ناصب عليك ولكن قانونيا ماعندك فين تشدو.

في المقابلة الشفوية كايكون واحد السيد او السيدة غادي يبان عليك في الفرنسية باش يقنعك أن المستوى ديالك في الفرنسية أو الانجليزية ضعيف بزاف وبالتالي كايقوليك خصك ضروري دير واحد الدورة تكوينية عندنا ودوز واحد الاختبارات غادي تقام عليك بواحد المبلغ معين اللي هو الهدف ديالهم في النهاية.

ملي كادوز هاد (الدورة تكوينية) اللي هي لا شيئ حسب تجارب الشباب لي سبق تنصب عليهم، كايقولو ليك الجملة الشهيرة “سير حتى نتصلو بيك”…

من بعد عاد كاتكتشف انك كنتي ضحية ديال النصب والاحتيال..

ما خدمتي ما تكونتي ما خديتي تجربة زوينة ..

ايوا رد البال من دابا وبارطاجي مع صحابك 

ترقبونا قريبا في مواضيع مشابهة تهم طرق جديدة للنصب على الشباب المغاربة .

خليو لينا التجارب ديالكم مع هاد النصابة في التعاليق لاعادة نشرها والاستفادة منها